Kano – An cafke wata matar aure bisa zargin zuba guba a abincin ɗan kishiyarta ɗan kimanin shekara ɗaya tal a jihar Kano.

Rahotanni sun bayyana cewa matar ta gurfana a gaban kotun majistire mai zama a Nomansland a ƙaramar hukumar Fagge bisa tuhume-tuhumen da suka shafi kisa.

Kano: Yadda matar ta kashe yaron kishiya

Kamar yadda jaridar Daily Trust ta rahoto, matar da ake zargin ta zuba maganin kashe ƙwarin da aka fi sani da fiya-fiya a abincin ɗan ƙaramin yaron.

Hakan ya zama sanadin mutuwar jaririn da bai wuce shekara ɗaya da haihuwa ba, wanda ba a kai ma ga yaye shi ba.

Lauyan masu shigar da kara, Barista Abdussalam Dan Maidaki Sale shi ne ya gabatar da tuhume-tuhumen da ake wa matar wanda suka ta’allaka kan kisan kai.

Ya shaidawa kotun cewa laifin da ake zargin matar ta aikata ya saɓa wa tanadin sashi na 221 da ke ƙunshe a kundin dokoki Fenal Kod.

Wane mataki kotu ta ɗauka?

Sai dai kotun majistire ta bayyana cewa ba ta da hurumin sauraron wannan shari’a bisa tanadin dokokn kotunan majistire.

Bisa wannan dalili ne alƙalin kotun mai shari’a Hajara Safiya Hamza ta ɗage zaman zuwa ranar 30 ga watan Oktoba, 2024.

Amma gabanin haka ta bayar da umarnin a iza ƙeyar matar da ake zargin zuwa gidan gyaran hali kafin zuwan wannan rana.

The post Yadda Matar Aure ta Kashe ɗan Kishiyarta a Jihar Kano appeared first on Arewa Agenda Hausa.

Majalisar Dinkin Duniya ta yi gargadin cewa ana samun matukar karuwa a yawan robobin da ke gurɓata muhalli a cikin teku waɗanda ke haifar da babbar barazana ga lafiyar ɗan Adam da hallitun ruwa da kuma tattalin arziki.

Wani rahoto na hukumar kula da muhali ta MDD ya ce yawan robobin da ke cikin teku zai ninka sau uku nan da shekarar 2040.

Ya ce dukkanin hallitun ruwa na fuskantar haɗarin guba da yunwa da rashin iska.

Rahoton ya kuma ce ana bukatar ɗaukar mataki cikin gaggawa domin rage yawan robobin da ake amfani da su amma shugabbanin ba su da kudirin yin haka.

The post Dukkanin Hallitun Ruwa na Fuskantar Haɗarin Guba da Yunwa da Rashin iska -MDD appeared first on Arewa Agenda Hausa.

Vandu Weida mai shekaru 29 da yara 3 ya halaka kan sa bayan ya sha guba a ranar Talata.

Hakan ya biyo bayan wani rikici wanda ya janyo tashin hankali tsakanin sa da matar sa.

Rikicin ya auku ne a Mildu Central dake karamar hukumar Madagali a jahar Adamawa.

Jahar Adamawa -Wani magidanci mai suna Vandu Weida, mai shekaru 29 ya riga mu gidan gaskiya sakamakon gubar da ya sha.

Lamarin ya faru ne a Mildu Central, a karamar hukumar Madagali da ke jihar Adamawa ranar Talata.

Vandu, mai yara 3 ya samu hayaniya ne tsakanin sa da matar sa wanda har ya koma gagarumin fada.

Kamar yadda Punch ta rawaito, wani ganau ya ce yayin fadan, Weida ya bayyana wa matar sa cewa ya gaji da ita da duniyar ma baki daya don haka ya gwammaci ya mutu ya bar ta da yaran.

Bayan fadan, mutumin ya kasa jurewa hakan ya sa ya sha guba daga baya a ka gan shi a kasa yana numfashi da kyar.

Likitoci sun tabbatar gubar ta lalata ma sa hanji

Anyi gaggwar wucewa da shi babban asibitin Mubi inda aka tabbatar da cewa gubar da ya sha ta lalata ma sa hanji.

Kamar yadda Punch ta rawaito, Kakakin rundunar ‘yan sandan jahar, DSP Suleiman Nguroje ya ce bai san komai akan lamarin ba amma ya yi alkawarin bincike a kan lamarin a ofishin ‘yan sanda na Madagali.

Har lokacin cike rahoto be nemi wakilin The Punch ba.

The post Rikici da Matarsa: Magidanci ya Rasa Ransa Sakamakon Shan Guba appeared first on Arewa Agenda Hausa.