Ambaliyar Ruwa ta Tilasta wa Dubban Mutane Barin Muhallansu a Borno
Ambaliyar ruwa ta tilasta wa dubban mutane barin muhallansu a Maidguri, babban birnin jihar Borno.
Rahotanni sun bayyana cewa lamarin ya faru ne bayan da madatsar ruwa ta Alau ta ɓalle, bayan cikar da ta yi tsawon mako ɗaya.
Read Also:
Wata sanarwa da kwamishinan yaɗa labarai na jihar, Farfesa Usman Tar ya fitar a safiyar yau Talata, ya yi kira ga mutane da su gaggauta tashi daga wajen da lamarin ya faru.
Ya ce “Sakamakon mamakon ruwan sama da ake samu a wannan shekara, muna kira ga mutanen da ke zaune kusa da koguna da su tashi nan take domin kare kansu da kuma dukiyoyinsu.
Tituna da dama dai sun cika da ruwa wanda hakan ya janyo wahala wajen zirga-zirgar ababen hawa.
