Ba za mu Bari a yi Katsalanda ba a Zabukan 2023 – Shugaba Buhari
Shugaba Muhammadu Buhari ya yi alwashin cewa ba zai bari wani mahaluki ya kawo katsalanda ba a zabukan 2023 da ke tafe a Najeriya.
Buhari ya ce shugabancin da ba a ginata kan turbar gaskiya ba ba za ta kawo kasar alfanu ba.
Read Also:
Shugaban ya bayyana hakan ne lokacin da yake tarbar gwamnonin jam’iyyar APC da gwamnan Jihar Kebbi, Atiku Bagudu ke jagoranta a fadarsa da ke Abuja.
Shugaban Najeriyar ya kuma ce a karkashin shugabancinsa, zai ci gaba da mutunta ‘yan Najeriya ta hanyar tabbatar da cewa kuri’unsu sun yi tasiri saboda suna da yancin zabar shugabannin da suke so a dukkan matakai.
