Gobara ta Lalata Shaguna 19 da Masallaci a Kasuwar Rimi da ke Kano
Wata gobara ta lalata shaguna 19 ciki har da masallaci a kasuwar Rimi da ke jihar Kano.
Hakan na zuwa ne kwanaki kalilan bayan da wata gobara da ta ɓarke ta ƙona shaguna 80 a kasuwar Kurmi da ke jihar.
Read Also:
Jaridar Daily Trust a Najeriya, ta ruwaito shugaban kasuwar Alhaji Musa Tijjani na cewa ana danganta tashin gobarar ne sakamakon matsala da layin wutar lantarki ya samu, inda wutar ta tashi da misalin karfe 2 na dare.
Ya ce cikin kayayyakin da suka ƙone a kasuwar sun haɗa da kayan amfanin gona da kayan gida da sauransu.
Ya ƙara da cewa sun gode wa Allah ganin cewa babu asarar rai da aka samu sakamakon tashin gobarar.
Da yake tabbatar da faruwar lamarin mai magana da yawun hukumar kashe gobara a jihar, Saminu Abdullahi, ya ce bayan samun kirar waya da suka yi, nan da nan aka aike da jami’an hukumar, inda kuma suka samu nasarar kashe gobarar wanda ya dakatar da ita yaɗuwa zuwa wasu
