Kungiyar ISWAP ta Kashe Mayakan Boko Haram 87 a Borno
Kungiyar ISWAP ta kai hari kan mayakan Boko Haram a wani lamari mai kama da ɗaukar fansa a yankin Tafkin Chadi.
Read Also:
Hakan na zuwa ne kwana biyar bayan da wasu mayaƙan Boko Haram suka kashe mayaƙan ISWAP 24 a Tsaunukan Mandara da Gaba a garin Gwoza na jahar Bornon Najeriya, kamar yadda kafar yaɗa labaran PRNigeria ta rawaito.
Mayaƙan ISWAP ɗin sun kai harin ne sansanin kwamandan Boko Haram Bakoura Modou a yankin Tafkin Chadin a jiya.
PRNigeria ta ce mayaƙan ISWAP ɗin sun far wa sansanin Boko Haram ɗin ne a cikin wasu kwale-kwlae masu tsananin gudu har 50.
“An kashe fiye da mayaƙan ISWAP 87 a faɗan, a cewar kafar PRNigeria.
