Juyin Mulki: An Rufe Filin Jirgin Saman Khartoum Babban Birnin Sudan
An dakatar da zirga-zirgar jiragen sama a Khartoum babban birnin Sudan, sakamakon rahotannin juyin mulkin da aka yi.
Rahotanni sun ce an rufe filin jirgin saman na Khartoum kuma an toshe hanyoyin shigarsa, inda rahotanni ke cewa dakarun soji sun kewaye shi.
Babu wata sanarwar gwamnati a hukumance kan matsayin filin jirgin.
Read Also:
Tashin hankali a Khartoum
Kamfanin dillancin labarai na Reuters ya samu hotunan masu zanga -zangar da suka taru a kan titunan birnin Khartoum a safiyar Litinin yayin da rahotanni ke cewa sojoji sun karbe iko.
Hotunan sun yadda ƴan sudan suka fantsama saman titi suna kone tayoyi a kan tituna.
An baza sojoji da jami’an sa-kai a fadin birnin kuma suna takaita zirga -zirgar fararen hula, kamar yadda Reuters ya rawaito.
An ga mata da yara a cikin masu zanga-zangar a Sudan
