Daliban Jami’ar Greenfield: Masu Garkuwar Sun Nemi Kudin Fansa N800m
Masu garkuwa da suka sace dalibai a Jami’ar Greenfield a Kaduna sun nemi kudin fansa.
Yar uwan daya daga cikin daliban ta ce masu garkuwar sun ce a biya su Naira miliyan 800.
A cewarta, sun fara azabtar da daliban sun kuma ce za su halaka su duka idan ba a biya kudin fansar ba.
Read Also:
Daya daga cikin iyalan daliban Jami’ar Greenfield da ke Kaduna ya ce yan bindigan sun bukaci a biya Naira miliyan 800 matsayin kudin fansa kafin su sako daliban 23, Vanguard ta ruwaito.
“Ana tattaunawa, masu garkuwar sun tuntubi wasu iyalan daliban suna neman a biya Naira miliyan 800,” a cewar, Georgina Stephen, yar uwan daya daga cikin daliban da aka ace.
Ta ce masu garkuwa da mutanen sun bukaci yan gidansu su biya Naira miliyan 8 kudin fansa kafin su sako yar uwanta da ke tsare a hannunsu.
A cewar Georgina, daliban 23 da aka sace sun kunshi mata 14 da kuma maza 6 da kuma ma’aikatan jami’ar.
Ta ce masu garkuwa da mutanen suna azabtar da daliban inda suka ce idan ba a biyan kudin ba, za su halaka dukkan daliban da suka sace.
