Kungiyar Kwadago ta Dakatar da Yajin Aikin da ta Shiga a Jahar Kaduna
Kungiyar kwadago ta Najeriya ta dakatar da yajin aikin da ta tsunduma a jahar Kaduna a makon nan.
Kungiyar ta sanar da dakatarwar ne ta bakin shugabanta, Ayuba Wabba da yammacin Laraba.
Kungiyar ta yi takun saka da gwamnan jahar Kaduna Nasir El-Rufai biyo bayan korar ma’aikata NLC ta dakatar da yajin aikin gargadi na kwanaki 5 a Kaduna, Shugaban NLC, Ayuba Wabba ya sanar da shawarar, ya ce ya yi hakan ne don girmama gayyatar da FG ta yi don sasanta rikicin da ke tsakanin kungiyar kwadagon da gwamnatin jahar Kaduna, in ji TVC.
Read Also:
Channels Tv ta ruwaito cewa, a safiyar yau, Ministan kwadago da samar da ayyukan yi, Sanata Chris Ngige ya shiga cikin takun-saka tsakanin gwamnatin jahar Kaduna da kungiyoyin kwadago ta hanyar gayyatar bangarorin biyu zuwa taron sasantawa.
Ngige ya umarci bangarorin biyu da su ci gaba da kasancewa a yadda suke har zuwa lokacin da za a sasanta batutuwan.
“Don haka ina amfani da karfi na a matsayin Ministan kwadago da samar da aikin yi, a karkashin dokar rigingimun kasuwanci, CAP. T8, Dokokin Tarayyar Najeriya (LFN) 2004; in gayyace ku tare da manyan jami’anku zuwa taron sasanta rikicin cikin gaggawa,” inji shi.
Tsoma bakin Ngige na zuwa ne kwanaki uku bayan NLC ta fara zanga-zanga biyo bayan sallamar ma’aikatan gwamnati sama da dubu bakwai da gwamnatin jahar Kaduna ta yi.
Yajin aikin ya durkusar da mahimman fannoni na tattalin arziki a jahar.
Gwamnan jahar Nasir El-Rufai a martaninsa ya bayyana Shugaban NLC da sauran shugabannin kungiyoyin kwadagon da neman zagon kasa ga tattalin arziki da kai hare-hare kan ababen more rayuwa a jahar Kaduna a karkashin Dokar Laifuka iri daban-daban.
