Dole Musulmi da Kirista su Haɗa ƙarfi da ƙarfe Wajen Goya wa Falasɗinawa Baya – Fani-Kayode
Tsohon Ministan Sufurin Jiragen Saman Najeriya, Cif Femi Fani-Kayode ya ce dole Musulmi da Kirista baki ɗaya su haɗa ƙarfi da ƙarfe wajen goya wa Falasɗinawa baya.
Ya bayyana hakan ne a taron Ranar Aƙsa da ƙungiyar wayar da kan Musulmi ta Muslim Awareness International (MAI) wanda ya gudana a Filin Wasa na ƙasa da ke Surulere a Legas.
Read Also:
Sauran waɗanda suka yi jawabi a wajen taron sun haɗa da darakta a MURIC Farfesa Lakin Akintola da Sheikh Sheikh Dhikrullahi Shafi’i.
Fani-Kayode ya daɗe yana caccakar Isra’ila a kan kisan kiyashin da ya ce tana yi wa Falasɗinawa, sannan ya ƙara da cewa Musulmi da Kiristan Najeriya dole su goya wa Falasɗinawa baya a ƙoƙarin Isra’ila na mamaye zirin Gaza.
A cewarsa, “an kasha maza da mata da ƙananan yara. An kashe Musulmi da Kirista, an tarwatsa Masallatai da Coci-coci. Suna yunƙurin shafe komai ne,” kamar yadda muka kalato daga jaridar Daily Trust.
