Mutane 30 Sun Rasa Rayukansu Sanadiyyar Hatsarin Mota a Nepal
Akalla mutun 30 ne suka mutu yayin da gwammai suka jikkata a wani hatsarin mota da ya faru a arewa maso yammacin Nepal.
Hukumomi sun bayyana cewa motar kirar bas wadda ke dauke da fasinjoji fiye da kima ta kwace wa direba a wani titi mai tudu da kwari.
Bas din ta baro gundumar Banke ne da ke kudanci zuwa yankin Mugu dauke da mutanen da ke dawowa gida don halartar wani bikin al’ada na Hindu.
Ana samun yawaitar hadarin mota a Nepal saboda rashin kyawon hanya, da ababen hawa marasa inganci da kuma tukin ganganci.
