Ambaliyar Ruwa: Mutane 80 Sun Rasa Rayukansu a Sudan
Fiye da mutane 80 sun rasa rayukansu, tun bayan fara damuna a watan Yuli a Sudan.
Mai magana da yawun hukumar kare fararen hula ta kasar ya ce fiye da mutane 67 sun samu raunuka.
Read Also:
Ambaliyar dai ta shafi larduna 14 cikin 18 na kasar, yayin da ta rusa gidaje dubu 30.
Gonaki da dama da gine-ginen gwamnati sun lalace.
Majalisar Dinkin Duniya ta ce ambaliyar ta shafi aƙalla mutane dubu dari da biyu a dukkan sassan ƙasar.
A bara ne hukumomi a Sudan suka ayyana dokar ta ɓaci ta tsawon wata uku saboda ambaliyar da ta hallaka mutane 100 a shekarar.
