An Nada Mista Ebikibina John Ogborodi a Matsayin Shugaban Zartarwa na Hukumar NECO
Hukumar jarrabawa ta NECO ta sanar da nadin sabon shugabanta na riko biyo bayan mutuwar tsohon shugaban.
A makon nan ne aka wayi gari da labarin mutuwar shugaban hukumar NECO, Godswill Obioma a jahar Neja.
Hukumar ta bayyana sabon nadin ne tare da jaddada ci gaban hukumar na aiki tukuru kamar yadda ta saba Hukumar shirya jarabawa ta kasa (NECO) ta nada Mista Ebikibina John Ogborodi a matsayin mukaddashin Shugaban zartarwa na hukumar.
Wannan ya biyo bayan mutuwar Farfesa Godswill Obioma a ranar 1 ga Yuni, 2021, Daily Trust ta ruwaito. Har zuwa lokacin nadin nasa, Mista Ogborodi ya kasance Daraktan Ayyuka na Musamman a hukumar.
Read Also:
A cikin wata sanarwa, Daraktan, Gudanar da Daukan Ayyuka, Mista Mustapha K. Abdul, ya bayyana cewa Kwamitin Gudanarwar ya amince da nadin Mukaddashin Shugaban a taron gaggawa da ta gudanar a ranar 2 ga Yuni, 2021.
“Sanarwar ta bayyana cewa nadin Mista Ogborodi ya kasance ne sakamakon kasancewarsa Babban Darakta a Majalisar. Ta ce dukkanin ayyukan majalisar za su ci gaba ba kakkautawa kamar yadda aka tsara tun farko,” in ji shi.
Mista Ogborodi ya fito ne daga karamar hukumar Sagbama ta jahar Bayelsa.
Ya yi Digiri na farko a Jami’ar Jos a 1986 da kuma Digiri na biyu a wannan jami’ar a 1999.
Sabon shugaban ya shiga aikin NECO a 1999 kuma ya yi aiki a wurare daban-daban. Ya kasance tsohon mukaddashin Darakta, Sashin Bunkasa Jarabawa; Mukaddashin Darakta, Ofishin Shugaba; Darakta, Janar na Ayyuka, Gudanar da Daukar Aiki da sauransu.
Ogborodi yayi aure kuma Allah ya albarkace shi da yara.
