Rasha na Ci gaba da Kai Hare-Hare Birnin Bakhmut na Ukraine
Jami’ai a birnin Kyiv, sun ce Rasha ta zafafa kai hare-hare da makaman Atilari da na roka a kusa da birnin Bakhmut na Ukraine.
Read Also:
Rahotanni sun bayyana cewa an kai sama da hare-hare 300 cikin kwana guda, amma bayanai sun ce dakarun Rasha ba su yi nasarar sake dannawa wasu kauyuka biyu da ke yankin ba.
An kuma kai wasu hare-haren a arewacin birnin kusa da Kupiansk.
Jami’an Ukraine sun tabbatar da mutuwar mutum guda, lokacin da makami mai linzamin da Rasha ta harba ya faɗa gidajen jama’a a kudancin birnin Mykolaiv.
