Rundunar Sojin Najeriya ta Gano Masana’antar ƙera Makamai
Rundunar sojin Najeriya ta ce ta gano tare da lalata wata masana’antar ƙera makamai a jihar Kaduna da ke arewacin ƙasar.
Read Also:
Cikin wata sanarwa da rundunar ta fitar a shafinta na X ta ce ta gano masana’antar da ke ƙera bindigogi ba bisa ƙa’ida ba, a garin Kafanchan da ke ƙaramar hukumar Jema’a.
Sojojin sun ce sun shafe mako guda suna tatara bayanan sirri kafin su kai ga gano masana’antar.
Sanarwar ta ce jami’an sojin sun kuma kama mutum guda tare da makamai 22.
