Mataimakin Gwamnan Sokoto ta Musanta Raɗe-Raɗin Fita Daga Jam’iyyar PDP
Mataimakin gwamnan jihar Sokoto, Mannir Dan’iya ya musanta raɗe-raɗin da ake yi cewa ya fice daga jam’iyyar Peoples Democratic Party mai mulkin jihar.
Read Also:
Wata sanarwa da ta samu sa hannun daraktan yaɗa labaru a ofishin mataimakin gwamnan, Aminu Abdullahi Abubakar, ta bayyana raɗe-raɗin a matsayin maras tushe.
Ta ƙara da cewa “har yanzu Hon Mannir Dan’iya ɗan jam’iyyar PDP ne, kuma yana ci gaba da jaddada goyon bayansa gare ta.”
Raɗe-raɗin ficewar mataimakin gwamnan daga jam’iyyar PDP na zuwa ne bayan sauya sheƙar ɗaya daga cikin makusantansa, Ummarun Kwabo, daga jam’iyyar.
