Allah ya yi wa Tsohon Kocin Super Falcons, Ismaila Mabo ya Rasuwa
Tsohon kocin tawagar ƙwallon ƙafar mata ta Najeriya ‘Super Falcons’ Ismaila Mabo ya rasu yana da shekara 79 a duniya.
Kafofin yaɗa labaran ƙasar sun ruwaito cewa tsohon kocin ya rasu ne bayan wata jinya mai tsanani a gidansa da ke birnin Jos da ke jihar Plateau ta tsakiyar ƙasar.
Read Also:
Marigayin ya jagoranci tawagar Super Falcons zuwa gasar Kofin Duniya ta mata a shekarar 1999 da gasar wasannin Olympics a shekarar 2000 da 2004.
A shekarar 1999 ya jagoranci tawagar wajen samun nasarar da ba ta taɓa samu ba a tarihin wasan Kofin Duniya inda ta kai wasan zagayen kusa da ƙarshe.
A shekarar 1998 ya taimaka wa tawagar matan lashe kofin ƙasashen Afirka ta mata ‘AWCON’, bayan da suka zura ƙwallaye 28 a gasar.
Haka kuma a shekarar 2000 ya jagoranci tawagar wajen kare kofin ƙasashen Afirka ‘AWCON’ da aka yi a Afirka Kudu.
