‘Yan Bindiga Sun Kashe Mutane 2 a Kaduna
Wasu da ake zargin yan bindiga ne sun halaka mutum biyu a karamar hukumar Zangon Kataf a Kaduna.
Maharan sun kuma kona gidaje guda bakwai, sannan sun kona mota daya da babur guda daya.
Kwamishinan tsaro da harkokin cikin gida na jahar Kaduna, Mista Samuel Aruwan ne ya tabbatar da harin ‘Yan bindiga, a ranar Litinin sun kashe mutane biyu a karamar hukumar Zangon Kataf da ke jahar Kaduna.
Kwamishinan tsaro da harkokin cikin gida na jahar Kaduna, Mr Samuel Aruwan ya tabbatar da kisar cikin wata sanarwa da ya fitar a Kaduna.
Read Also:
“Hukumomin tsaro sun ruwaito cewa yan bindiga sun kai hari kauyen Wawan Rafi II a karamar hukumar Zangon Kataf a safiyar yau.
“A cewar rahoton, mutane biyu sun riga mu gidan gaskiya, wani mutum da dansa mai shekaru bakwai. “Kazalika, an kona gidaje bakwai da mota daya kuma babur a yayin harin,” in ji Aruwan.
Ya kara da cewa an tura jami’an tsaro zuwa garin domin su tabbatar da tsaro da zaman lafiya. Aruwan ya ce jami’an tsaro sun gano gidan harsashi 7.62mm a wurin da aka kai harin. “Kawo yanzu, an gano gawarwaki biyu. Za a cigaba da yi wa mutane bayani nan gaba,” in ji shi.
