Akwai Yiyuwar Barca ta lashe La Liga na Bana
Ranar Lahadi Espanyol za ta karbi bakuncin Barcelona a wasan mako na 34 a La Liga.
Kungiyoyin biyu sun tashi 1-1 ranar 31 ga watan Disamba a Camp Nou a karawar farko a kakar bana ta La Liga.
Da yake wasan na hamayya ne watakila a ranar Barcelona za ta lashe babban kofin tamaula na Sifaniya.
Rabon da Barcelona ta lashe La Liga tun kakar 2018/19, mai kofin 26 jimilla, amma Real Madrid ce mai rike da na bara.
Kawo yanzu idan aka buga wasannin mako na 34 a karshen mako, zai rage saura fafatawa hudu a karkare kakar bana, wato make 12 ne a kasa daga ranar ta Lahadi zai rage.
Barcelona tana mataki na daya a kan teburi da maki 82 da tazarar maki 13 tsakani da Atletico Madrid ta biyu mai maki 69.
Real Madrid ce ta uku da maki 68, sai Real Sociedad mai maki 61 ta hudu a kan teburi.
Barcelona za ta iya lashe kofin tun kan ranar Lahadi, idan Atletico Madrid ta kasa cin Villareal ranar Asabar 13 ga watan Mayu.
Haka kuma Barcelona za ta iya daukar La Ligar tun kan ranar Lahadi, idan har Real Madrid ba ta iya doke Getafe ba ranar Asabar.
Read Also:
Haka kuma koda Barcelona za ta kasa cin wasan da suka rage mata, ya zama wajibi Atletico da Real Madrid su lashe sauran wasannin La Liga da ke gabansu.
Hakan zai yi wahala Barcelona ta bari wannan damar lashe La Liga ya sullube mata,
Yanzu dai daga ranar Lahadi za a tantance lokacin da Barcelona za ta dauki kofin nan.
Ranar Juma’a 12 ga watan Mayu
Real Mallorca da Cadiz
Ranar Asabar 13 ga watan Mayu
Real Sociedad da Girona
Osasuna da Almeria
Villarreal da Athletic de Bilbao
Real Madrid da Getafe
Ranar Lahadi 14 ga watan Mayu
Celta de Vigo da Valencia
Elche da Atletico de Madrid
Real Valladolid da Sevilla
Espanyol da Barcelona
Wadanda ke kan gaba a cin kwallaye a La Liga:
Robert Lewandowski FC Barcelona 19
Karim Benzema Real Madrid CF 17
Enes Unal Getafe CF 14
Joselu RCD Espanyol 14
Antoine Griezmann Atletico de Madrid 13
Alvaro Morata Atletico de Madrid 13
Vedat Muriqi Real Mallorca 12
Valentin Castellanos Girona 12
Iago Aspas Celta de Vigo 12
Borja Iglesias Real Betis 12
Vinicius Junior Real Madrid CF 10
Alexander Sorloth Real Sociedad 10
