Ahmed Musa: Shahararran ‘Dan Wasan Kwallon Kafar Najeriya, Zai Gina Makaranta a Jahar Plateau
Babban dan kwallon Najeriya ya sake bayyana kudirin abin alheri.
Bayan taimakon da yake yiwa matasa na daukan nauyinsu a jami’o’i, zai gina sabuwar makaranta.
Kyaftan na Super Eagles, Ahmed Musa, ya kaddamar da shirin ginin katafaren makaranta a Bukuru, karamar hukumar Jos South ta jahar Plateau saboda a wajen ya girma.
Read Also:
Ahmed Musa ya bayyana cewa zai gina makarantan ne matsayin mayar da alherin da garin tayi masa a matsayin mahaifarsa.
A sako mai kama da martani a shafinsa na Tuwita, Ahmed Musa, ya ce bai jahilci bukatar yin hakan ba.
“Ban jahilci bukatar mayar da alheri garina ba kuma dalilin haka ya sa nike farin cikin sanar da kaddamar da ginin makarantar M & S International School a jahar Plateau, karamar hukumar Jos ta kudu Bukuru,” ya ce.
Musa ya zama kyaftan din Super Eagles bayan John Obi Mikel yayi ritaya.
Ahmed Musa ya taka leda a kasashe irinsu Rasha, Holland, Ingila, da Saudiyya.
