Ambaliyar Ruwa ta Tafi da Gidaje da Dama a Jalingo
Mamakon ruwan sama ya shanye gidaje da dama a Jalingo, babban birnin jihar Taraba a safiyar ranar Litinin.
Read Also:
Jaridar Daily Trust ta ruwaito cewa Lamarin ya faru ne a lokacin da kogin Mayo Gwoi ya malalo bayan ruwan sama kamar da bakin kwarya da aka ɗauki tsawon sa’o’i biyu ana tafkawa.
Gidajen da ambaliyar ta shafa suna kusa da gabar kogin.
Duk da cewa ba a samu asarar rayuka ba, amma ambaliyar ta lalata dukiya da suka haɗa da kayan gida da kuma kayayyakin abinci na miliyoyin naira.
