Rikicin Sudan: Amurka ta Kwashe Jami’anta Daga ƙasar
Shugaba Joe Biden ya ce sojojin Amurka sun kwashe jami’an ƙasar da kuma iyalansu daga Sudan.
Read Also:
Ya ce ya yi alfahari da jajircewar ma’aikatan ofishin jakadancin ƙasar sannan ya godewa ƙasashen Djibouti da Habasha da kuma Saudiyya waɗanda ya ce sun taka muhimmiyar rawa wajen tabbatar da aikin.
Mayaƙan RSF sun yi aiki tare da sojojin Amurka wajen kwashe Amurkawa kusan 70 da kuma iyalansu daga ƙasar.
Wannan na zuwa ne a yayin da aka shafe kwana 9 ana bata kashi tsakanin sojin gwamnatin Sudan da kuma dakarun RSF.
