Babban Alkalin Birnin Tarayya: Shugaba Buhari ya Nemi Majalisar Dattawa da ta Tabbatar da Mai Shari’a Baba-Yusuf
Read Also:
Shugaban kasa Muhammadu Buhari a ranar Talata, 5 ga watan Oktoba, ya nemi Majalisar Dattawa da ta tabbatar da Mai Shari’a Hussein Baba-Yusuf a matsayin Babban Alkalin Babban Birnin Tarayya (FCT).
Shugaban majalisar dattawa, Sanata Ahmad Lawan ne ya karanta wasikar Buhari a zauren majalisar, jaridar The Nation ta rawaito.
Buhari a ranar 14 ga watan Agusta ya nada Justice Baba-Yusuf a matsayin mukaddashin babban alkalin babban birnin tarayya.
