Coci ta ba ni Dala 300 Bayan na yi wa Mata 3 Fyaɗe da Kashe su – Matashi
Wani mutum da ya amsa yi wa mata uku fyaɗe kafin ya kashe su ya zargi wata coci a Kiambu da ke ƙasar Kenya da ba shi umarnin hakan, a cewar rahoton jaridar Nation.
Paul Magara Morara mai shekara 29, ya yi iƙirarin cewa cocin ta biya shi dala 300 lokacin da ya kashe wani.
Read Also:
Yanzu haka ana tsare da shi a Ofishin ‘Yan Sanda na Ruiru da ke yankin Kiambu a Kenya.
Ya ƙara da cewa cocin ta ba shi dala 300 bayan ya kashe matan uku.
“Abokina ne ya kai ni cocin a shekarar da ta wuce. Za a biya ka dala 300 duk lokacin da ka kashe mutum kuma an faɗa mani cewa mata sun fi sauƙin kashewa,” in ji Morara a lokacin da sashen binciken laifuka ke magana da shi.
