Gwamnatin Jahar Borno ta Nada Sabon Shehun Dikwa
Biyo bayan rasuwar Shehun Dikwa a makon da ya gabata, an nada sabon Shehun na Dikwa.
Gwamna Babagana Umaru Zulum ne ya nada sabon Shehun a wata sanarwa da aka fitar.
An nada Abba Umar Jato ne a matsayin sabon Shehun Dikwa a fadar jahar Borno Gwamnatin jahar Borno ta nada Abba Umar Jato a matsayin Shehun Dikwa, Daily Trust ta ruwaito.
Abba Umar Jato ya gaji marigayi Shehu Mohammed Ibn Shehu Masta II El-Kanemi, wanda ya rasu a makon da ya gabata.
Read Also:
Nadin nasa a matsayin mai fada aji na farko da Gwamna Babagana Zulum ya yi ya fito ne a cikin wata sanarwar da gwamnatin jihar ta fitar.
Sakataren Gwamnatin Jiha, Alhaji Usman Jidda Shuwa ne ya sanar da rasuwar Marigayi Shehu a garin Biu, jim kadan bayan gabatar da ‘Staff of Office’ ga Sarkin Biu, Alhaji Mai Mustapha Umar Mustapha da Gwamna Babagana Umara Zulum ya yi a ranar Asabar da ta gabata.
An dauke shi zuwa Abuja kwana daya kafin rasuwarsa a ranar Juma’ar da ta gabata.
Wannan shi ne karo na uku a jerin wadanda suka mutu a jahar cikin kankanin lokaci, bayan na Shehun Bama da na Sarkin Biu a shekarar 2020.
