Shugaba Buhari ya Nada Farouk Yahaya a Matsayin Sabon Shugaban Hafsan Sojojin Kasa
Shugaban kasa Muhammadu Buhari ya nada Farouk Yahaya a matsayin sabon shugaban hafsan sojojin kasa.
Farouk Yahaya mai mukamin Manjo Janar ya maye gurbin marigayi Laftanal Janar Ibrahim Attahiru da ya rasu a hatsarin jirgin sama.
Kafin nadin nan, shine babban kwamandan Div 1 kuma shugaban rundunar Operation Hadin kai dake yaki da ta’addanci a arewa maso gabas .
Shugaban kasa Muhammadu Buhari ya nada Farouk Yahaya a matsayin shugaban dakarun sojojin kasa na Najeriya.
Yahaya, mai mukamin manjo janar zai maye gurbin marigayi Attahiru Ibrahim a take.
Read Also:
Kafin nadinsa, Yahaya shine babban kwamandan Div 1 na rundunar sojin kasa ta Najeriya.
Kamar yadda hedkwatar dakarun sojojin kasa ta Najeriya ta wallafa a shafinta na Twitter, ta sanar da cewa shugaban kasa Muhammadu Buhari ya nada Manjo Janar Farouk Yahaya a matsayin sabon shugaban sojojin kasa.
“Babban kwamandan dakarun sojojin Najeriya, Shugaban kasa Muhammadu Buhari ya nada Manjo Janar Farouk Yahaya a matsayin sabon shugaban hafsin sojojin kasa.
“Kafin nadinsa, Manjo Janar Yahaya shine babban kwamandan Div 1 ta dakarun sojin kasa kuma shine kwamandan rundunar Operation Hadin Kai dake yaki da ta’addanci a yankin arewa maso gabas,” takardar tace.
Manjo Janar Farouk Yahaya ya maye gurbin marigayi Laftanal Janar Ibrahim Attahiru, wanda hatsarin jirgin saman ya ritsa dashi a ranar Juma’a da ta gabata a garin Kaduna.
