‘Dan Majalisar APC Daga Kano ya Soki Gwamna Abdullahi Ganduje
ya soki Gwamna Abdullahi Ganduje da manyan APC.
J ya na wakiltar / , amma an ja layi a APC.
‘Dan Majalisar ya kira Gwamna barawo, ya kuma ce bai jin tsoron kowa.
Honarabul Abdulkadir Jobe mai wakiltar mazabar Dawakin Tofa da Rimin Gado a majalisar tarayya, ya fito ya na sukar gwamna Abdullahi Ganduje.
A wani bidiyo da aka wallafa a shafin Twitter, an ji Abdulkadir Jobe ya na yin kaca-kaca da mai girma gwamnan, har ya na kiransa da sunaye maras dadi.
Jobe ya yi kaca-kaca da masu yi masa barazana, ya ce babu wanda ya isa ya kore sa daga jam’iyya.
A wannan bidiyo da wani mai suna Hassan Umar ya wallafa a ranar 3 ga watan Junairu, 2020, an ji mabiya bayan Jobe su na yi masa kirarin ‘daram-dam.”
Read Also:
Saboda haka, ni ‘Dan jam’iyyar APC ne cikakke, mu na nan a APC, a APC babu wanda ya isa ya kore ni daga jam’iyya.
Jobe ya aika sakonsa na musamman zuwa ga Abdullahi Umar Ganduje, ya na ce masa ‘Kai barawo ne!’
Wasu a gefe sun amsa da cewa: (Gwamna) ya ci Dala. An dade ana zargin gwamnan Kano. Dr. Abdullahi Ganduje da laifin karbar rashawan Daloli.
Hon. Abdulkadir Jobe ya ke cewa ‘dan majalisar da ya fito daga kudancin jihar Kano ya ce: “Ina alfahari da kaina, da iyayena, da mutanen garin Dawakin Tofa.”
‘Dan siyasar ya yi ikirarin su ne masu jama’a. “Ko za a mutu, ko za ayi rai, mu na APC. Idan mutum ya ce shi ‘dan APC ne, ko waye shi, ya tsaya a fito ayi zabe.”
A karshen wannan bidiyo, za a ji ‘dan majalisar ya na cewa ya lashe zaben majalisar tarayya har sau uku: “Kowa ya san ni, ya sanni Jobe, ba mai tsoro ba ne.”
