Bayan Ranto N3.7m: Direban Adaidaita Sahu ya Hadu da Gamon sa
Wani matukin adaidaita ya hadu da bacin rana bayan ya ranto kudi har naira miliyan 3.7 sannan ya yi waddaka da su.
Direban adaidaitan ya je wani gidan rawa ne sai ya dunga yiwa mutane da ke wajen liki inda su kuma suka take masa baya har ya fita.
A bidiyon da ya yadu, an gano inda aka tasa mai adaidaitan a gaba domin ya dawo da kudin amma ko sama ko kasa babu su babu dalilinsu.
Wani direban adaidaita sahu ya shiga hannu bayan ya kasa biyan kudi har naira miliyan 3.7 da ake zargin ya yi waddaka da su a wajen liki a gidan rawa.
Wasu bidiyoyi da suka yadu a shafukan soshiyal midiya, sun nuna matukin adaidaitan yana lika kudi a wani gidan rawa da waje yayin da mutane suka dungi binsa har waje.
Read Also:
A cikin wani bidiyon kuma wanda shima ya yadu kuma shafin LIB ya wallafa, an gano yadda mutumin ya haddasa yar dirama yayin da wanda ya ciyo bashi a hannunsa ya nemi ya biyasa kudinsa.
Wannan abu ya baiwa mutane mamaki sosai inda wasu da dama ke ganin karfin halin wanda ya ranta masa wadannan makudan kudade.
Wasu kuma na ganin wautan mai adaidaitan da ya salwantar da kudin ta wannan hanya maimakon yin abun da zai karu.
Jama’a sun tofa albarkacin bakunansu
uchennannanna ya ce:
“Wai ma taya ta yaya ya samu N3.7m din tun farko dan Allah♀️”
vincent_ebanyi_norland_nigeria ya yi martani:
“Ainayin abun da ake nufi da ka ji dadinka yanzu don gobe babu tabbass.”
chizobamindeed ya ce:
“Ka ba talaka kudi da yawa sannan ka mayar da shi dodo.”
yanga_prince147 ya ce:
“Allah ya kyauta mutane na da karfin hali fa”
jeffryprettypretty ta ce:
“Wa kake son burgewa ”
