Duniya na Cikin Mumunan Haɗari, Saboda Matsalolin Dumamar Yanayi – Boris Johnson
Firaministan Birtaniya, Boris Johnson ya buɗe taro mai muhimmanci kan sauyin yanayi na Majalisar Dinkin Duniya a Scotland yana mai gargadin cewa duniya na cikin mumunan haɗari, saboda matsalolin dumamar yanayi.
Ya ce mun san abin da masana kimiya ke fada mana, mun kuma san cewa ba batutuwan kawar da kai ba ne.
Read Also:
“Duniya ba za ta taɓa yafe mana ba, kuma ana cikin yanayi na fusata, musamman daga matasa— idan har ba mu dau matakan gaggawa ba domin takaita matsalolin karuwar sauyin yanayi,” in ji shi.
Mista Johnson ya kuma ce idan aka ci gaba da jan kafa ko nuna gazawa, matsalolin za su ci gaba da girma.
A nashi jawabin, sakatare janar na MDD, Antonio Guteress ya ce makamashin da aka amfani da su a wannan zamanin ke haifar da barazana a duniya.
