An Sake Gano Gawar Mutane 3 Cikin Wadanda Gini ya Ruftowa a Legas
Hukumar bayar da agajin gaggawar ta Najeriya ta ce an samu karin adadi na wadanda suka mutu sakamakon ruftawar wani gini a birnin Legas da ke kudu maso yammacin kasar.
Hukumar bayar da agajin gaggawa ta kasar ta shaida wa BBC cewa an samu karin gawarwaki uku a yau Litinin yayin da ake ci gaba da aikin ceto a wajen da ginin ya fadi.
Read Also:
A ranar Lahadi ne dai ginin mai hawa bakwai da ke tsakiyar birnin ya rufta
Kawo yanzu dai ba a bayyana dalilin ruftawar ginin ba.
A wata sanarwa da gwamnatin jihar ta fitar, ta ce kwamishinan tsara birane na jihar Dakta Idris Salaka ya yi murabus a wani matakin farko na sauya fasalin hukumar, an kuma gargadi duka sauran ma’aikatar hukumar da su girmama doka.
Faduwar gine-gine dai ba sabon abu ba ne a birnin Legas, inda ake zargin mazauna birnin da yin watsi da dokokin da hukumar tsare birane ta jihar ta gindaya kafin aiwatar da gini a birnin.
