An Kama Matashiyar da ta Yaɗa Bidiyon Tsiraicin Tsohon Sakataren Din-Din-Din a Ma’aikatar Ilimin Jahar Bayelsa, Dr Liverpool
Hukumar tsaro ta farin kaya a Najeriya ta gurfanar da wata matashiya mai shekaru 19 a gaban kotu a Yenagoa da laifin yada hoton bidiyon tsiraicin wani tsohon kusa a gwamnatin jahar Bayelsa.
Read Also:
Ana zargin Charlotte Delhi da yada hoton bidiyo da ya nuna tsiraicin Dr Walton Liverpool a kafafen sada zumunta da nufin tatsar naira miliyan 15 a hannunsa.
Mr Liverpool ya rike mukamin sakataren din-din-din a ma’aikatar ilimin jahar Bayelsa.
Kotu ta tuhumi Miss Charlotte da laifin yada hotunan tsiraici da nufin bata sunan Walton Liverpool,sai dai matashiyar ta musanta zargin da kotun ke mata.
Wani binciken jmai’an tsaro ya nuna cewa layin da ta yi amfani da shi wurin yada hoton bidiyon a WhatsApp na dauke da lambobin fitattun yan siyasa a jahar Bayelsa.
