ALLAH ya yi wa ‘Dan Shirin Kannywood, Ahmad Tage Rasuwa
Rahotannin da BBC ke samu na tabbatar da rasuwar tauraron fina-finan Hausa na Kannywood Ahmad Tage.
Kafin rasuwarsa ya yi fama da gajeruwar rashin lafiya, har ta kai ga an kwantar da shi a asibitin Nasarawa da ke jahar Kano.
Read Also:
Tuni ‘yan wasan Hausa na Kannywood suka fara mika ta’aziyyarsu a shafukan sada zumunta.
Ya fi fitowa a fina-finan barkwanci a tsawon lokacin da ya kwashe a harkar, wadda ya fara a matsayin mai daukar bidiyo, kafin daga bisani ya rikide ya zama tauraro.
‘Yan uwansa sun shaida wa BBC Hausa cewa ya rasu ya bar mata biyu da ‘ya’ya 21.
