Tsere wa Daga Zamfara Zuwa Neja: An kashe ‘Yan bindiga 32, ‘Yan sanda 5 Sun Rasu
Rundunar tsaron Najeriya ta ce an kashe ‘yan bindiga 32 a wasu hare-haren da ta kai kan maharan da ke tserewa Zamfara zuwa cikin jahar Neja.
Jaridar PRNigeria ta kuma rawaito cewa an kashe ‘yan bindigar ne bayan harin da suka kai a shingen binciken jami’an tsaro da sanadi rayukan ‘yan sanda 5.
Lamarin ya faru ne a yankin Bangu Gari da ke karamar hukumar Rafi ta Jahar.
Mijiyar tsaro ta tabbatarwa PRNigeria cewa maharan da ke tserewa Zamfara saboda tsananin hare-hare, na tada zaune tsaye a yankunan Neja.
Gungun maharan dauke da manyan makamai ciki harda roka na tserewa maboyarsu da ke Danjibga da Munhaye na karamar hukumar Tsafe da ke Zamfara.
