Matashi a Titin Jahar Legas na Tallata Kodarsa
Wani fusataccen dan Najeriya ya bayyana a titin jahar Legas yana tallata kodarsa ga mai sha’awar siya.
A bidiyon wanda shafin Naijaloaded suka wallafa a Instagram, an ga mutumin a gefen titi dauke da takarda yana tallar.
Mutane da dama sun yi zargin tsabar talauci, kunci, takaici da matsin rayuwa ne suka janyo har mutumin ya aikata hakan
Legas – Bidiyon wani fusataccen dan Najeriya ya karade kafafen sada zumuntar zamani inda aka gan shi a tsakiyar titi yana shelar burinsa na sayar da kodarsa.
Read Also:
A bidiyon, an ga mutumin sanye da bakin tabarau a gefen titi dauke da takarda wacce ya rubuta “Ga koda mai kyau ta siyarwa”.
Tuni mutane suka fara cece-kuce kowa yana tofa albarkacin bakinsa inda wasu suke cewa tsabar matsin rayuwa ne ya janyo masa hakan.
Wahala, kunci, takaici da talauci sukan saka mutum yayi abinda ba a saba gani ba musamman irin na wannan mutumin mai burin sayar da sassan jikinsa.
Ga dukkan alamu mutumin bai damu da maganar mutane ba.
A bidiyon wanda Naijaloaded suka wallafa a shafinsu na Instagram an ga mutum sanye da bakaken kaya a bakin titi yana rike da wata takarda wacce yake tallata kodarsa.
Al’amarin da ya faru a jahar Legas. Legit.ng bata gano kwakkwaran dalilin da ya janyo har mutumin yayi wannan abu ba har a lokacin rubuta wannan rahoton.
