Ambaliyar Ruwa: Mutane 3 Sun Mutu a Babban Birnin Tarayya Abuja
Ambaliyar ruwa ta yi barna a rukunin gidajen Trademore a Luge babban birnin tarayya Abuja.
Mazauna unguwar sun ce ambaliyar ruwar ya fara ne a ranar Litinin bayan ruwan sama mai karfi da aka yi.
Kawo yanzu an gano gawarwakin mutane uku sannan ruwan ta lalata motocci da kayayyakin al’umma da dama.
Read Also:
FCT, Abuja – A kalla gawarwakin mutane uku ne aka gano a safiyar ranar Litinin a rukunin gidaje na Trademore da ke Lugbe, babban birnin tarayya, Abuja, Premium Times ta rawaito.
Rahoton na Premimum Times ya ce mazauna unguwar sun ce ambaliyar ruwan ya fara ne a safiyar ranar Litinin bayan ruwan sama da aka yi kamar da bakin kwarya.
Ambaliyar ruwar ya yi sanadin bacin motocci da wasu kayayyakin mutane da dama a unguwar.
Jami’an hukumar kwana-kwana na birnin tarayya Abuja sun isa wurin a safiyar ranar Litinin domin kai wa mutane dauki.
A kan samu irin wannan ambaliyar ruwar a unguwar a duk damina na kowanne shekara.
Ku saurari karin bayani …
