NAFDAC ta Gargaɗi Masu Sayen Magunguna a Hannun Masu Yawo a Kan Tituna da Akwaku
Hukumar Kula da Ingancin Abinci da Magunguna ta Najeriya NAFDAC ta gargaɗi ‘yan ƙasar da su daina sayen magunguna a hannun masu yawo a kan tituna da akwaku suna sayar da magani.
Read Also:
Babban Daraktan hukumar Farfesa Mojisola Adeyeye ne ya bayyana wannan gargaɗi, inda ya ce yin hakan na cike da babban hatsari ga rayuwar mutane.
Ya ƙara da cewa bai san adadin ‘yan ƙasar da ke mutuwa ba sakamakon shan magunguna marasa inganci, waɗanda kuma ke haddasa ciwon hanta da na ƙoda da sauran cututtuka.
Farfesa Adeyeye ya ce galibi akan sayi magungunan ne a hannun masu yawo a kan tituna suna sayar da magungunan a cikin akwaku.
