Anyi Nasarar Kama Abdulrasheed Maina
Abdulrasheed Maina, tsohon shugaban kwamitin gyaran fansho, ya matsa layar zana a yayin da kotu ke nemansa a Najeriya.
Bacewar maina ta sa kotu ta tsare Sanata Ali Ndume a gidan yari saboda shine ya karbi belin Maina bisa wasu sharudai.
Read Also:
Yanzu dai, karya ta kare, jami’an tsaro ma su bincike tare da hadu gwuiwar jami’an yaki da cin hanci sun sake cukume Maina a Nijar.
Jami’an binciken sirri da hadin gwuiwar na hukumar yaki da cin hanci sun kama Abdulrasheed Maina a Jamhuriyar Nijar a ranar Litinin.
Kamfanin dillancin labarai na PRNigeria ya ce an kama Maina a wani gari da ke cikin Jamhuriyar Nijar.
A cewar majiyar jaridar, an samu nasarar kama Maina ne saboda kyakyawar alakar da ke tsakanin jami’an tsaron Najeriya da Nijar.
