ICRC ta Bayyana Cewa Sama da Mutane 20,000 Suka ɓata a Arewa Maso Gabashin Najeriya
Kungiyar agaji ta Red Cross ta ce sama da mutum 20,000 ne suka yi sama ko kasa saboda rikicin da ke faruwa a arewa maso gabashin Najeriya.
Read Also:
ICRC ta ce yakin wanda aka shafe shekara 12 ana yi ya sa an yi asarar dubban rayuka, kuma miliyoyi sun rasa matsugunansu.
A wani taron masu ruwa da tsaki da take gudanarwa a Maiduguri, ICRC ta ce ta yi rijistar sama da mutum 20,000 da suka ɓata a arewa maso gabas, kuma suna fargabar cewa ko dai sun tsere ko kuma an kashe su.
“A karamar hukumar Bama kawai mun yi rajistar mutum 4,000 da ba a san inda suke ba a halin yanzu”, in ji Usman Kunduli Bukar na kungiyar ta Red Cross.
