Ƙungiyar Haɗin Kan ƙasashen Musulmi ta Taya Tinubu Murnar Cin Zaɓe
Ƙungiyar haɗin kan ƙasashen Musulmi ta taya sabon zaɓaɓɓen shugaban Najeriya murnar samun nasara a zaɓen da aka gudanar a ƙasar ranar Asabar da ta gabata.
Wannan na cikin wata sanarwa da shugaban ƙungiyar Malam Hissein Brahim Taha, ya fitar mai ɗauke da sa hannun daranktan yaɗa labaranta Wajdi Sindi, wanda ya ce a madadin shi da mambobin baki ɗaya suna aika saƙon taya murna ga Asuwaju Bola Ahmed Tinubu kan zaɓen da ya lashe.
Read Also:
Shugaban ya ce zaɓen da ‘yan Najeriya suka yi wa shugaban yardarsu ce suka ba shi game da burinsa kan Najeriya na ta zama maɗaukakiya, saboda kwarewar da yake da ita a rayuwa, zai lura da lamurn Najeriya domin tabbatar da ci gabanta da kuma bunƙasarta.
Ya kuma jaddada muhimmancin da ƙungiyarsu ke da shi a alaƙarta da Najeriya tare da ba da tabbacin ƙarfafa alaƙa ta hanyar haɗin kai ga Najeriya ta ko wanne bangare, musamman ta fanni ci gaban al’umma da kuma yaƙi da ‘yan ta’add da masu tsattauran ra’ayi.
A ƙarshe ya yi wa ƙasar fatan alheri da kuma samun nasara mai ɗorewa.
