An Tsige Kakakin Majalisar Imo, Paul Emeziem
Ƴan majalisar jahar Imo sun tsige kakakin majalisar Paul Emeziem a zaman da majalisar ta yi a ranar Litinin.
Ƴan majalisa 19 ne suka tsige shugaban majalisar daga cikin ƴan majalisar jahar 27.
Read Also:
A cikin takardar da aka karanta a zauren majalisar, ƴan majalisar sun ce sun tsige Mista Emeziem ne bisa zarge-zargen da suka haɗa da nuna rashin ɗa’a da cin mutuncin ofishinsa da kuma babakere.
Ƴan majalisar sun kuma zaɓi sabon kakakin majalisa Honarabul Kennedy Ibe.
Ko a watan Nuwamban bara ƴan majalisar sun tsige kakakin majalisar ta Imo, Mista Chiji Collins.
