ALLAH ya yi wa Tsohon Gwamnan Kaduna Rasuwa – Abdulkadir Balarabe Musa
Tsohon gwmnan Kaduna, Alhaji Abdulkadir Balarabe Musa ya rasu.
Marigayin ya rasu ne a safiyar ranar Laraba a gidansa da ke Aliyu Turaki Road Unguwar Sarki Kaduna.
Ya rasu yana da shekaru 84 a duniya kuma za ayi jana’izarsa a yau Laraba Rahotannin da muka samu ta tabbatar da rasuwar tsohon gwamnan Jihar Kaduna Abdulkadir Balarabe Musa.
‘Yar marigayin ta tabbatar da cewa ya rasu a safiyar ranar Laraba a kamar yadda The Cable ta ruwaito.
Read Also:
A cewarta, za ayi masa jana’iza a yau da rana.
Tsohon sanata mai wakiltar mazabar Kaduna ta tsakiya, Shehu Sani shima ya sanar da rasuwar tsohon gwamnan a shafinsa na Twitter a ranar Laraba 11 ga watan Nuwamba.
A sakon da ya wallafa a Twitter, Shehu Sani ya rubuta “Alhaji Balarabe Musa ya rasu a yau. Allah ya jikan rai ya kuma saka masa da gidan Aljanna Firdausi. Amin.”
Balarabe Musa ne gwamna na farko da aka fara tsige wa a tarihin Najeriya.
Har wa yau, shine shugaban jam’iyyar People’s Redemption Party (PRP) a jamhuriyya ta hudu amma ya sauka daga mukamin a shekarar 2018 saboda ya kula da lafiyarsa.
