Raunin Gwiwarsa: Granit Xhaka Zai yi Jinyar Watanni 3
Granit Xhaka zai yi jinyar watanni uku saboda rauni da ya samu a gwiwarsa a wasansu da Tottenham Hotspur ranar Lahadi.
An canza kyaftin din na Arsenal dan kasar Switzerland a minti na 82, a wasan hamayya da suka doke makwabtansu Tottenham Hotspur 3-1.
Read Also:
Xhaka ya fara a wasanni hudu daga cikin shida da Arsenal ta buga a gasar Premier League ta bana, kuma bai buga wasanni biyu ba saboda jan kati da ya karba a wasan da suka buga da Manchester City ranar 28 ga watan Agusta.
A ranar Asabar ne Arsenal za ta je Brighton & Hove Albion a gasar Premier League, kuma za ta yi kokarin lashe wasa na hudu a jere, bayan rashin nasara a wasanni uku na farkon kakar bana.
