‘Yan Bindiga Sun Kashe Shugaban Tsagin APC a Jahar Bayelsa Sunday Frank-Oputu
Bayelsa- Wasu gungun ‘yan bindiga sun kashe wani shugaban tsagin APC a jihar Bayelsa Sunday Frank-Oputu.
The Nation ta tattaro cewa an kashe Frank-Oputu, dan kabilar Igbomotoru ne a karamar hukumar Ijaw ta Kudu, a daren ranar Talata, 26 ga watan Afrilu, a gidansa dake Yenezue-gene a Yenagoa.
Read Also:
Jaridar ta ruwaito cewa, ana zargin cewa maharan sun harbe shi ne ta tagar gidansa da ke bude don samun iskar Allah saboda babu wutar lantarki a unguwarsu.
Frank-Oputu na daya daga cikin wadanda suka fafata wajen gano ingancin taron taron gangamin APC na mazabu a Bayelsa.
A wancan lokacin ya kuma yi Allah-wadai tare da bibiyar harin da aka kai wata babbar kotu inda aka jefi alkalin kotun, Mai shari’a Nayai Aganaba da kwalabe.
Karin bayani na nan tafe…
