‘Yan Bindiga Sun Sako Daliban Makarantar Islamiyyar Tegina
Rahoto daga jahar Neja na bayyana cewa, an sako daliban makarantar Islamiyya da aka sace.
A halin yanzu an ce suna kan hanyarsu da zuwa birnin Minna daga ta hanyar Kagara daga Birnin Gwari.
Wannan na zuwa ne bayan sun shafe kwanaki sama da 88 a hannun ‘yan bindigan da suka sace su.
Read Also:
Neja – Sama da dalibai 70 ‘yan bindiaga suka sako na makarantar Islamiyya da ke garin Tegina wadanda aka yi garkuwa da su kwanaki 88 da suka gabata, PR Nigeria ta rawaito.
Rahotanni a baya sun bayyana cewa, an sace daliban ne a harabar makarantar Islamiyyar dake Tegina a watan Yunin 2021.
Wata majiyar tsaro ta shaida wa jaridar PRNigeria cewa daliban na kan hanyarsu ta zuwa Minna akan hanyar Kagara daga Birnin Gwari.
An tsare daliban Islamiyyar na tsawon kwanaki 88 da awanni 11 gwargwadon lokacin da suka shafe a hannun ‘yan bindigan kenan.
