Shugaba Buhari ya Gana da Sarkin Ingila Charles III a Birnin London
Shugaban Najeriya Muhammadu Buhari ya gana da sarkin Ingila Charles na uku a fadar Buckingham da ke birnin London.
Read Also:
Wannan ce ganawa ta farko tsakanin shugaba Buhari da basaraken tun bayan hawan sa kan karagar mulki.
Bayanai na cewa ganawar ta bai wa shugaban na Najeriya damar taya sarkin murnar hawa mulki.
Mai taimaka wa shugaban Najeriya kan sada zumunta a shafukan intanet Bashir Ahmad ya wallafa hotunan ganawar a shafinsa na tuwita, sai dai babu ƙarin bayani kan tattaunawar da ta wakana tsakanin shugabannin biyu.
