Shugaba Buhari ya Taso Daga Amurka Zuwa Najeriya
Shugaba Buhari ya taso daga tashar jirgin JFK dake New York da yammacin nan.
Buhari ya tafi Amurka tun ranar Lahadi don halartan taron Majalisar dinkin duniya.
Ana sa ran Shugaban zai dira Najeriya cikin dare ko gab da wayewar.
Amurka – Bayan kwashe mako daya a birnin New York a Amurka, Shugaba Muhammadu Buhari ya hau jirginsa Eagle 001 domin dawowa gida Najeriya.
Read Also:
Hadiminsa, Buhari sallau, ya bayyana hakan a shafinsa na Facebook.
Buhari ya halarci taron majalisar dinkin duniya UNGA76 ne wanda aka fara ranar Talata.
Shugaba Buhari ya gabatar da jawabinsa na musamman a majalisar ranar Juma’a, 24 ga Satumba 2021.
Gabanin tasowarsa, Buhari ya yi ganawar diflomasiyya da Firai Ministan kasar Netherlands, H.E. Mark Rutte.
Sannan ya gana da jakadar Amurka a majalisar dinkin duniya, Linda Thomas-Greenfield.
Hakazalika kuma ya kai ziyara na musamman ga mataimakiyar Sakatare-Janar, Amina Mohammed.
