Magance Matsalolin Tsaro: Chadi za ta Kara Yawan Sojojinta Zuwa 60,000
Gwamnatin sojojin Chadi ta ce tana shirin kara yawan dakarun kasar domin magance matsalolin tsaro da suka hada da barazanar ‘yan ta’adda da kuma ‘yan tawaye.
Read Also:
Ministan tsaron kasar Janar Daoud Yaya Brahim ya shaida wa majalisa cewa rundunar sojin Chadi ta fara shirin kara yawan sojojin daga 35,000 zuwa 60,000 a shekarar 2022.
Ya ce tuni har sun fara daukar mutane tare da ba da horo, kuma manufar a cewarsa ita ce samar da rundunar da za ta magance kalubalen da ke fuskantar yankin Sahel.
