Sayar da Abinci Lokacin Yajin Aikin ASUU: Dalibin Ajin Karshe a Jami’ar Danfodiyo ya Rasu
Wani dalibin ajin karshe a Jami’ar Usman Danfodiyo da ke Sokoto, wanda kuma ke karanta aikin likita da tiyata, da ya koma sana’ar sayar da abinci lokacin yajin aikin ASUU mai suna Usman Abubakar, ya rasu.
Usman Abubakar-Rimi ya bude wajen sayar da abincin ne a Sokoto.
Read Also:
Kamfanin Dillancin Labaran Najeriya, NAN, ya ruwaito cewa dalibin ya mutu ne a ranar Laraba bayan fama da gajeriyar rashin lafiya.
Wani makusancin dalibin mai suna Umar Idris shugaban wata cibiyar kasuwanci ta 21st Century Entrepreneur Hub ne ya sanar da mutuwarsa.
Idris ya ce tuni aka yi jana’izar mamacin yadda addinin musulunci ya tanada a garin mahaifarsa da ke Rimi, a karamar hukumar Rimi na Jihar Katsina.
