‘Dan Majalisa Mai Wakilatar Akure ta Arewa da Kudu, Omolafe Adedayo ya Mutu
Dan majalisa daga jahar Ondo ya riga mu gidan gaskiya bayan karamar jinya da yayi a asibiti.
Hon Omolafe Adedayo Isaac ta kasance dan majalisa mai wakilatar Akure ta Arewa da Kudu Hakazalika ya rike mukamai da dama, hakazalika babban jigo ne a jam’iyyar adawa ta PDP.
Read Also:
Dan majalisar da ke wakiltar Akure ta Arewa da Akure ta Kudu a majalisar wakilai, Hon Omolafe Adedayo Isaac aka “Expensive”, ya rasu. Hon Omolafe ya rasu da misalin karfe 2 na safe a wani asibiti mai zaman kansa a Akure, babban birnin jahar Ondo.
An zabi Omolafe a Majalisar Dokoki ta kasa a karkashin Jam’iyyar PDP, The Nation ta ruwaito.
An zabe shi shugaban wata karamar hukuma kuma yayi aiki a matsayin Kodineta na shirin SURE-P a karkashin gwamnatin tsohon shugaban kasa Goodluck Jonathan.
Kakakin Jam’iyyar PDP na Ondo, Kennedy Peretei, wanda ya tabbatar da mutuwar, ya bayyana shi a matsayin dan siyasar talaka wanda za a yi kewar sa.
Peretei ya ce mutuwarsa babbar illa ce ga jam’iyyar.
