Kungiyoyin Direbobin Dakon Man Fetur na Shirin Shiga Yajin Aiki
An shiga fargabar yiwuwar wahalar man fetur a Najeriya sakamakon umarni da shugabannin kungiyar direbobin dakon man fetur na PTD da NUPENG suka bai wa mabobinsu na shiga yajin aiki.
Read Also:
Kungiyoyin sun yi barzanar soma yajin aiki ne saboda matsalolin rashin kyawun hanya da tsaronsu, da suka daura alhaki kan gwamnati.
Wannan umarni na kunshe a cikin wata sanarwa da suka fitar jiya Litinin bayan tattaunawar da suka yi a Enugu.
Sanarwar ta yi kira ga mambobin kungiyar su soma shirin kauracewa aiki daga 27 ga watan Satumbar 2021, a shirye-shirye tsunduma yajin-aikin daga 8 ga watan Oktobar 2021, muddin gwamnati ta gaggara biya musu bukatunsu.
