Kamfanin Zirga-Zirgar Jiragen Sama na Emirates ya Sake Soke Jigilar Shiga da Fita Daga Najeriya
Kamfanin zirga-zirgar jiragen sama na Emirates mallakar Daular Larabwa ya sake soke jigilar shiga da fita daga Najeriya har zuwa 30 ga watan Nuwamba.
Read Also:
Cikin wata sanarwa da ya wallafa, kamfanin ya ce kwastomomin da suka je ko suka bi ta Najeriya cikin kwana 14 da suka wuce ba za a bari su shiga jirginsa ba da zai je Dubai.
“An soke dukkan tikitin da aka saya,” a cewar sanarwar da ya wallafa a shafinsa. An sake dakatar da sufurin ne kwana biyu kacal bayan kamfanin ya sanar da ci gaba da jigilar bayan shafe makonni da dakatarwar.
A watan Maris Emirates ya sanar da dakatar da zirga-zirga zuwa ƙasar yayin da ake ci gaba da sa–in-sa tsakanin gwamnatin Najeriya da Daular Larabawa game da gwajin cutar corona.
